查明頓甘柏斯有份主射12碼入網。(Getty Images)
1/2
查明頓甘柏斯(黃衫)錯失1次入波黃金機會。(Getty Images)
2/2
哥倫比亞喺世盃16強被瑞士淘汰出局，26歲中場查明頓甘柏斯錯失1次入波黃金機會，成為輸波罪人，因而收到極端球迷死亡恐嚇，令人擔心重演1994年世盃，哥倫比亞後衞艾斯高巴擺烏龍之後，遭槍殺嘅悲劇。
哥倫比亞上場16強踢到加時，查明頓甘柏斯獲得入波黃金機會，但卻射唔中目標，最終打和0比0，需要互射12碼分勝負。即使查明頓甘柏斯主射入網，但哥倫比亞仍然輸3比4出局。
賽後大量球迷湧到查明頓甘柏斯社交網留言，作出辱罵及死亡恐嚇，導致佢唔敢同球隊乘坐同一班飛機回國，擔心遭到襲擊。查明頓甘柏斯效力阿甲球隊羅沙里奧中央，可能飛去阿根廷避風頭。
哥倫比亞足總發表聲明譴責有關恐嚇行為，查明頓甘柏斯透過社交網呼籲球迷冷戰同尊重別人。哥倫比亞國腳成為「高危職業」，艾斯高巴1994年世盃分組賽對美國，擺烏龍導致輸1比2出局，佢回國後被人槍殺，今屆世盃再次喺美國舉行，查明頓甘柏斯遭受死亡恐嚇，令當局特別關注。
免費玩game、1日狂爆5張卡！一鍵share畀朋友一齊玩：
https://campaign.hkjc.com/f2p-wc2026/zh-HK/